Kapuso stars and personalities, magsasama-sama sa “Beyond 75: The GMA Network 75th Anniversary Special”

(Supplied Photo)

Panoorin ang livestream ngayong Linggo:

Higit sa 200 celebrities at personalities ang magsasama-sama sa engrandeng selebrasyon para sa Diamond Year ng GMA Network na binasagang “Beyond 75: The GMA Network 75th Anniversary Special” ngayong Linggo, June 29.

Imbitado lahat ng Kapuso fans at viewers all over the world na makisaya at tumutok sa star-studded  event sa pamamagitan ng Red Carpet livestream na pangungunahan nina Tim Yap at Rain Matienzo sa Kapuso Diamond Room, at sina Martin Javier at Sassa Gurl na sila namang magbibigay ng live updates sa mga masasayang kaganapan mula sa red carpet. 

Tiyak na aabangan ng fans ang mga Kapuso stars mula sa kani-kanilang paboritong GMA programs–Encantadia Chronicles: Sang’gre, Sanggang Dikit FR, Beauty Empire, Pinoy Big Brother Celebrity Collab Edition, Mga Batang Riles, My Father’s Wife, Akusada, Cruz vs. Cruz, Stars On The Floor, The Clash, All Out Sundays, Family Feud, BBL Gang, at marami pang iba. 

Kukumpletuhin naman ng mga esteemed personalities mula sa GMA Integrated News at GMA Public Affairs, kasama ang mga Sparkle artists at iba pang special guests gaya ng Ben & Ben ang nasabing Kapuso special. 

Mapapanood ang “Beyond 75: The GMA Network 75th Anniversary Special Red Carpet Livestream” simula 5:30 PM sa Linggo, June 29, sa Facebook pages at YouTube channels ng GMA Network, GMA Integrated News, GMA Regional TV, at DZBB, pati na rin sa official TikTok account ng GMA Network. (GMA Network Inc.)