Itinalaga ang Vancouver bilang opisyal na host city para sa FIFA World Cup 2026

Vancouver named FIFA World Cup 2026 official host city (Photo: Province of British Columbia/Flickr, CC BY-NC-ND 2.0)

VANCOUVER – Kinumpirma ng FIFA ngayong araw na napili ang Vancouver bilang isang opisyal  na host city para sa FIFA World Cup 2026. Ito ang unang pagkakataon na gaganapin sa Canada  ang mga laban ng FIFA World Cup, habang napapanuod ng bilyon-bilyong tao sa buong mundo  ang torneo. Isa itong makasaysayang oportunidad upang masuportahan ang sektor ng turismo,  

mailagay sa pandaigdig na spotlight ang kagandahan ng B.C., at mabigyan ng inspirasyon ang  susunod na henerasyon ng mga manlalaro. 

“Malugod na tinatanggap ng British Columbia ang buong mundo para sa FIFA World Cup 2026,”  sabi ni Premier John Horgan. “I-ho-host natin ang pinakamalaking World Cup hindi lamang dahil  masaya ito. Mararanasan ng British Columbians ang pagsulong ng ekonomiya sa mga sektor ng  

turismo at hospitality, na magkakaroon ng magandang epekto sa mga susunod na taon.  Nasasabik kaming tanggapin ang soccer community mula sa buong mundo sa ating province.” 

Magkasamang i-ho-host ng Canada, United States at Mexico ang FIFA World Cup 2026, kung  saan gaganapin ang mga laban sa mga piling host city sa buong North America. Ang World Cup  na ito ang magiging pinakamalaki, at ang pinakaunang magtatampok ng 48 koponan na  maglalaro sa 80 laban. Inaasahan na mag-ho-host ng 60 laban ang United States, at inaasahan  naman na magho-host ng tig-10 laban ang Canada at Mexico. 

Makikipagtulungan ang province sa FIFA upang makumpirma ang dami ng mga laban na  gaganapin sa Vancouver. 

“Internasyonal nang nakilala ang B.C. at nagagalak ako na napili ang Vancouver bilang isa sa  mga host city para sa torneong ito,” sabi ni Melanie Mark, Minister of Tourism, Arts, Culture  and Sport. “Masugid kaming nakikipagtulungan sa lahat ng aming mga partner upang magawa  ang lahat ng ating makakaya para sa bid na ito. Handa kaming tanggapin ang buong mundo dito  sa Vancouver at sa buong province! Dadayuhin ang event na ito ng mga bisita mula sa buong  mundo, at alam namin na kapag pumupunta ang mga first time visitor sa B.C., bumabalik silang  muli habang ipino-promote ang B.C. sa iba pa. Sila ang mga tumutuloy sa ating mga hotel room,  bumibili mula sa ating mga lokal na negosyo, sumusuporta sa ating ekonomiya at mayroon  itong pangmatagalang benepisyo para sa ating sektor ng turismo. Hindi kami makapaghintay na  maipakita ang maiaalok ng kagandahan ng B.C.” 

Sa ngayon, mula $240 hanggang $260 milyon ang tinatayang gastos para sa pagpa-plano,  staging at pag-host ng FIFA World Cup 2026 sa B.C. Ang estimasyon na ito ay bago pa isaalang alang ang mga kontribusyon mula sa pederal na pamahalaan at City of Vancouver, upa ng site  para sa stadium at training at iba pang mga mapagkukunan, at mga potensiyal na oportunidad  sa marketing na inaasahan ring magbibigay ng kita. Dagdag pa rito, ayon sa early modelling ng 

Destination BC at BC Stats, tinatayang makakapagdulot ang torneo ng higit $1 bilyong bagong  kita sa sektor ng turismo ng B.C. sa panahon at sa susunod na limang taon pagkatapos ng  torneo, na depende sa dami ng laban na gaganapin sa Vancouver. 

Nagpakita ng suporta ang mga lokal na komunidad ng First Nations at inaasahan ang  karagdagang kolaborasyon upang maisagawa ang torneong ito sa kanilang mga tradisyonal na  lupain. Ang mga salik na ito ay magkakaroon ng epekto sa mga karagdagang potensiyal na kita.  Magbibigay ang Ministry ng patuloy na update tungkol sa mga detalye ng event. 

Quick Facts: 

• Ang FIFA World Cup ay isang internasyonal na palaro sa soccer, na napakasikat sa fans ng  soccer at iba pa mula sa buong mundo, at ito ay hino-host sa iba’t ibang bansa kada apat na  taon. 

o Ang susunod na FIFA World Cup ay gaganapin sa Qatar sa Nobyembre 2022. o Sa unang pagkakataon mula 1986, nakapasok ang men’s national team ng Canada sa  FIFA World Cup Qatar 2022. 

• Inimbitahan ang Vancouver (kasama ang BC Place Stadium) na mag-apply upang mag-plano  at i-stage ang mga laban sa summer 2026, at naaprubahan ang lungsod bilang isa sa 22  candidate host cities noong Abril 2022.